وزیر خزانہ نرملا سیتا رمن نے کہا ہے کہ بھارت نئی امریکی انتظامیہ کے ساتھ سرگرم طور پر مصروف ہے اور امید ظاہر کی ہے کہ دو طرفہ تجارتی سمجھوتے کا پہلا دور اس سال اکتوبر تک مکمل ہو جائے گی۔ وزیر خزانہ نے یہ باتیں سان فرانسسکو میں بھارت نژاد افراد سے بات چیت کرتے ہوئے کہیں۔ بعد میں، کیلیفورنیا کی اسٹینفورڈ یونیورسٹی کے ہُوور انسٹی ٹیوشن میں، 2047 تک ملک کو وکست بھارت بنانے کی بنیادوں کے موضوع پر کلیدی خطاب کرتے ہوئے ہوئے اُنہوں نے کہا کہ 2047 تک ‘وکِسِت بھارت’ بننے کا بھارت کا سفر محض ایک آرزو نہیں ہے بلکہ جامع، پائیدار اور جدت طرازی پر مبنی ترقی کے وژن سے حاصل کی گئی طاقت کے ذریعے ایک مشترکہ قومی مشن ہے۔ محترمہ سیتا رمن امریکی وزیر خزانہ ِScott Bessent سے بھی ملاقات کرنے والی ہیں۔ وہ امریکہ کے تجارتی نمائندے کے دفتر میں حکام سے بھی بات کریں گی۔ محترمہ سیتا رمن واشنگٹن ڈی سی میں، عالمی مالیاتی ادارہ IMF  اور عالمی بینک کے موسم بہار کی میٹنگوں اور گروپ 20 ملکوں کے وزرائے خزانہ اور مرکزی بینک کے گورنروں کی میٹنگوں میں شرکت کریں گی۔ امریکی دورہ مکمل کرنے کے بعد، محترمہ سیتا رمن 26 سے 30 اپریل تک پیرو کا دورہ کریں گی۔