وزیراعظم نریندر مودی نے آج کہا ہے کہ سرکار خدمت کے گہرے جذبے، سب کا ساتھ سب کا وکاس کے منتر اور غریبوں کو خوشحال بنانے کے عہد کے ساتھ کام کر رہی ہے۔
مدھیہ پردیش کے Isagarh میں شری آنند پور دھام کے عقیدتمندوں سے خطاب کرتے ہوئے جناب مودی نے محروم طبقوں کی زندگیوں کو بہتر بنانے کے لیے حکومت کی کوششوں کے حصے کے طور پر پردھان منتری غریب کلیان یوجنا، آیوشمان بھارت، پردھان منتری آواس یوجنا اور جل جیون مشن سمیت بہبود کی مختلف اہم اسکیموں کا ذکر کیا۔
انہوں نے ایک پیڑ ماں کے نام کے عنوان سے ماحولیات سے متعلق ایک نئی پہل کا بھی اعلان کیا، جس میں شہریوں سے زور دے کر کہا گیا ہے کہ وہ اپنی ماں کے اعزاز میں پیڑ لگائیں۔ جنگ، انتشار اور انسانی اقدار کی پامالی جیسے عالمی چیلنجوں کے دوران جناب مودی نے کہا کہ دنیا جواب طلب کر رہی ہے اور یہ کہ Advaita کے فلسفے نے آگے بڑھنے کی پیشکش کی ہے۔
اِس سے پہلے دن میں، وزیراعظم نے Paramhans Advaita فرقے کے مندروں کا دورہ کیا، روحانی لیڈروں سے ملاقات کی اور ست سنگ میں شامل ہوئے۔ مدھیہ پردیش کے وزیراعلیٰ موہن یادو، مرکزی وزیر جیوترآدتیہ سندھیا اور ریاستی BJP صدر BD شرما سمیت کئی معزز شخصیات نے اِس پروگرام میں شرکت کی۔
اس سے پہلے، وزیراعظم نریندر مودی نے اتر پردیش کے وارانسی شہر میں مہدی گنج کے مقام پر تین ہزار 884 کروڑ روپے مالیت کے 44 پروجیکٹوں کا افتتاح کیا اور سنگ بنیاد رکھا۔ ان پروجیکٹوں میں سڑک سے متعلق بنیادی ڈھانچے، بجلی، تعلیم اور سیاحت کے فروغ سمیت کئی پروجیکٹ شامل ہیں، جس کا مقصد خطے کی مجموعی ترقی کو وسعت دینا ہے۔