نیپال کی ناگرک انمکتی پارٹی کی سربراہ رنجیت شریشٹھ نے کہا ہے کہ انکی پارٹی نے کے پی شرما اولی کی قیادت والی اتحادی حکومت سے حمایت والپس لینے کا فیصلہ کیا ہے۔ ناگرک انمکتی پارٹی جو کہ ایک مدھیسی پارٹی ہے، اسکے پارلیمنٹ میں 4 اراکین ہیں۔ اس پارٹی کی جانب سے حمایت واپس لینے کے باوجود اولی حکومت کے استحکام پر کوئی فرق نہیں پڑے گا۔

میڈیا سے بات کرتے ہوئے شریشٹھ نے کہا کہ حکومت سے الگ ہونے اور اپوزیشن میں بیٹھنے کا فیصلہ پارٹی کی پارلیمانی کمیٹی کی میٹنگ میں کیا گیا۔ اس سے قبل جنتا سماج وادی پارٹی، جو کہ ایک اہم مدھیسی پارٹی ہے، اور پارلمنٹ میں اسکے 5 اراکین ہیں، اس نے بھی اولی اتحادی حکومت سے حمایت واپس لینے کا فیصلہ کیا تھا۔×