مرکزی وزیر تعلیم اور دلی کی وزیر اعلیٰ ریکھا گپتا نے آج نئی دلی میں دلی الیکٹرک وہیکل Interconnector سروس- دیوی سروس کے تحت 400 نئی الیکٹرک بسوں کو جھنڈی دکھائی۔ دیوی بس سروس کا مقصد بس ٹرمنلس اور میٹرو اسٹیشنوں کے درمیان کنکٹوٹی میں اضافہ کرنا اور قومی راجدھانی میں آلودگی کو کم کرنا ہے۔ اِس موقع پر اظہار خیال کرتے ہوئے مرکزی وزیر دھرمیندر پردھان نے دلی سرکار کی اِس پہل کی تعریف کی۔ جناب پردھان نے زور دے کر کہا کہ بی جے پی سرکار  وزیر اعظم نریندر مودی کے نظریے کے عین مطابق دلی کی کایا پلٹ کردے گی۔نامہ نگاروں سے گفتگو کرتے ہوئے دلی کی وزیر اعلیٰ ریکھا گپتا نے اجاگر کیا کہ دلی سرکار کا مقصد اِس سال کے آخر تک اِس طرح کی 2 ہزار سے زیادہ بسوں کو لانا ہے۔