اقوام متحدہ کے جنرل سکریٹری انٹونیو گتریس نے پہلگام دہشت گردانہ حملے کی شدید مذمت کی ہے اور متاثرین کے  اہل خانہ سے تعزیت کا اظہار کیا ہے۔ انہوں نے کہا کہ شہریوں کو نشانہ بنانا، ناقابل قبول ہے اور حملے کے ذمہ دار افراد کو معتبر قانونی طریقے سے انصاف کے کٹہرے میں لایا جانا چاہئے۔ انہوں نے یہ بات نیویارک میں اقوام متحدہ کے صدر دفتر میں بھارت اور پاکستان کے درمیان بڑھتی ہوئی کشیدگی کو دور کرنے کیلئے سلامتی کونسل کی بند کمرے کی میٹنگ سے قبل صحافیوں سے کہی۔ جناب گُتریس نے یقین دلایا کہ اقوام متحدہ کسی بھی ایسے اقدام کی حمایت کیلئے تیار ہے، جس سے دونوں ملکوں کے درمیان کشیدگی میں کمی آسکے نیز سفارتکاری اور امن کیلئے تجدید عہد کو فروغ حاصل ہوسکے۔