تعلیم کے مرکزی وزیر دھرمیندر پردھان نے کہا ہے کہ اس تعلیمی سال تک تقریباً 15 غیر ملکی یونیورسٹیاں بھارت میں اپنا کیمپس قائم کرلیں گی۔ انھوں نے بتایا کہ اس سلسلے میں سرکار نے غیر ملکی یونیورسٹیوں کو اجازت دے دی ہے۔ جناب پردھان نے آج نئی دلی میں برطانیہ کی Liverpool یونیورسٹی کو متعلقہ مراسلہ سونپے جانے کی تقریب سے خطاب کرتے ہوئے اِس بات کو اجاگر کیا۔ انھوں نے ساجھیداری کو عالمی سطح پر اعلیٰ تعلیم کے شعبے میں ایک بھروسے مند ساجھیدار کے طور پر بھارت کے اُبھرنے کا اظہار اور اس کا اعادہ قرار دیا۔ جناب دھرمیندر پردھان نے نامہ نگاروں سے بات کرتے ہوئے کہا کہ Liverpool یونیورسٹی اگلے سال سے کام کرنے لگے گی۔ وزیر موصوف نے بتایا کہ آسٹریلیا کی دو یونیورسٹیوں نے گجرات میں اپنے اپنے تعلیمی سیشن شروع کردئیے ہیں۔