بھارت کی خلائی تحقیق کی تنظیم ISRO نے، اِس واقعے کی تفتیش کے لیے ایک کمیٹی بنائی ہے کہ ایک PSLV راکٹ، کرہئ ارض کے مشاہدے والے سیارچے EOS-09 کو اُس کے مقررہ مدار میں پہنچانے میں ناکام رہا ہے۔
اِسرو کے چیئرمین وی-نارائنن نے کہا کہ کمیٹی نے اس کی وجہ معلوم کرنے کے لیے کل کئی بار بات چیت کی۔ یہ سیارچہ مقررہ مدار میں اس لیے نہیں پہنچایا جا سکا کہ PSLV-C61 راکٹ میں، کل سری ہری کوٹہ سے اس کے داغے جانے کے کچھ ہی منٹ بعد کوئی خرابی پیدا ہو گئی۔
ڈاکٹر نارائنن نے کہا کہ راکٹ 4 مرحلوں پر مشتمل ہے، جن میں سے اس راکٹ کے پہلے دو مرحلے کامیابی کے ساتھ مکمل ہوئے۔