انگولا کے صدر Joao Manuel Goncalves Lourenco نے کہا ہے کہ بھارت اور انگولا نے باہمی تعلقات کو مزید فروغ دینے کا تہیہ کررکھا ہے۔ آج نئی دلّی میں بھارت – انگولا کاروباری فورم سے خطاب کرتے ہوئے، انہوں نے کہا کہ بھارت ایک کلیدی ساجھیداری ملک ہے، جسے Generic دواؤں کے شعبے میں تجربہ اور مہارت حاصل ہے۔ اِس موقع پر امورِ خارجہ کے وزیرِ مملکت کیرتی وَردھن سنگھ نے کہا کہ بھارت اور انگولا کے باہمی تعلقات میں توانائی سے متعلق متحرک ساجھیداری کا اہم رول ہے۔