اطلاعات ونشریات کے مرکزی وزیر اشونی ویشنو نے کہا ہے کہ بھارت میں مصنوعی ذہانت پر مبنی زبان سے متعلق ٹیکنالوجیز تیار کرنے کی اسکیم کی بنیاد وزیر اعظم نریندر مودی کے لسانی پیشرفت کیلئے ٹیکنالوجی کو بہتر بنانے کے تصور پر ہے۔ تمل ناڈو میں چنئی میں ویڈیو کانفرنسنگ کے ذریعے AI تمل اسکیم کا افتتاح کرتے ہوئے وزیر موصوف نے کہا کہ یہ اسکیم بھارت کی قدیم ترین زبانوں میں سے ایک کو مربوط کرنے کے وسیع تر مشن کا ایک حصہ ہوگی۔ مرکزی وزیر نے یقین دلایا کہ اپنی نوعیت کی تمل AI کی یہ اسکیم نہ صرف زبان کی ترقی میں طویل سفر طے کرے گی بلکہ دیگر زبانوں کے لوگوں کے فائدے کیلئے ترسیل کو بھی بہتر کرے گی۔