اسرائیل نے ، اُس نئی تجویز کو مسترد کردیا ہے، جس کے تحت غزہ میں ، اُس کی کارروائی روکنے اور مزید 10 یرغمال افراد کی رہائی کو ممکن بنانے کی بات کہی گئی تھی۔ اسرائیل کی مذاکراتی ٹیم کے سینئر افسر نے آج اسرائیل کے سرکاری ٹی وی کو بتایا کہ امریکی ثالث کاروں نے رات میں یہ تجویز پیش کی تھی۔ افسر کے مطابق اِس کے تحت پانچ زندہ یرغمال افراد کی رہائی ، پانچ مردہ یرغمال افراد کی لاشوں کی حوالگی، غزہ میں انسانی امداد پہنچانے کی اجازت ، 70 دن کی جنگ بندی اور مستقل جنگ بندی کیلئے مذاکرات شامل تھے۔ افسر نے مزید کہا کہ اسرائیل نے ، اِس تجویز کو حماس کے سامنے خودسپردگی قرار دیتے ہوئے مسترد کردیا ہے۔