प्रदेश मांय न्यारी-न्यारी ठोडां माथे वंदे गंगा जल संरक्षण-जन अभियान रे तहत जल संरक्षण खातिर न्यारी-न्यारी गतिविधियां राखी जा री है। इण ई कड़ी मांय बालोतरा रा सिवाना गांव मांय दीतवार ने प्रभात फेरी निकाळी ज्यी। इण मौके माथे स्थानीय लोग तालाब माथे श्रमदान कर पाणी बचावण रो संदेश दियो। कोटपूतली-बहरोड़ जिला रा विराट नगर खेतर मांय पर्यावरण संरक्षण, वर्षा जल संरक्षण अर स्वच्छता सूं जुड्योडा न्यारा-न्यारा कार्यक्रम राख्या गया।
इण मौके माथे निकाळी ज्यी रैली रे माध्यम सूं लोगां ने पाणी अर पर्यावरण बचाणे रो संदेश दियो। जैसलमेर मांय अभियान रे तैत दीतवार ने जिला प्रशासन री कानी सूं सर्किट हाउस मांय श्रमदान कार्यक्रम राख्यो गयो। झालावाड़ मांय न्यारा-न्यारा महकमा अर संगठन जल स्रोतां री सफाई करी। इण रे चालता जनजागरूकता रैली अर संवाद कार्यक्रम भी राखीज्या। सीकर मांय वंदे गंगा जल संरक्षण-जन अभियान रे तैत प्राचीन जल स्त्रोतां रे संरक्षण रे साथे-साथे पर्यावरण संरक्षण अर स्वच्छता रो काम भी कर्यो जा रियो है। दीतवार ने माधव सागर तळाब मांय नगर परिषद रा अहलकार अर कर्मचारी साफ-सफाई करी।