लोकसभा अध्यक्ष ओम बिरला थावर ने वां रा संसदीय हलका कोटा-बूंदी मांय विकास रा केई कामां री सरुआत कीनी। श्री बिरला ईटावा-खातौली हलका मांय 40 करोड़ रूप्या रा विकास रा कामां री नींव रखी अर पूरा व्ह्या काम जनता ने सूंप्या। ईं दौरान श्री बिरला वठे री जनता ने भरोसो दिरायो के हलका रा विकास मांय कोई कमी नी राख्यी जावेला। लोकसभा अध्यक्ष कोटा मांय चाल रह्या विकास रा कामां रो ई जायज़ो लीनो। श्री बिरला सड़कां अर फुटपाथ री मरम्मत करण अर गैर-कानूनी कब्ज़ा हटावण रा बारा मांय ई अहलकारां ने जरूरी हुकम दीना।