मुख्यमंत्री भजन लाल शर्मा कह्यो है के राज्य सरकार सैर-सपाटा री ठौड़ां विश्व स्तर रा सुबीता विकसित करण सारू लगातार काम कर रही है। श्री शर्मा अहलकारां ने राज्य री गौरवशाली विरासत ने बचावण रा काम माथे खास ध्यान देवण रा हुकम दीना। मुख्यमंत्री सोमवार ने पर्यटन, कला, संस्कृति और पुरातत्व विभाग री बजट घोषणावां री समीक्षा बैठक मांय बोल रह्या हा। वे जयपुर मांय राज्य स्तर रो संग्रहालय बणावण बाबत् ई कह्यो। मुख्यमंत्री सोमवार ने वां रा रेहवास माथे जनसुणवाई ई कीनी। ई दौरान वे कह्यो है के हर फरियादी री फरियाद सुण र वां रो निपटारो करणो वां री सरकार रो मूलमंत्र है। वे जनता री शिकायतां सुण र संबंधित अहलकारां ने वां रा निपटारां रा हुकम दीना। श्री शर्मा सोमवार ने नागरिक उड्डयन विभाग रा अहलकारां सागे ई मीटिंग कर र प्रदेश मांय हवाई सेवावां रा हालात माथे चर्चा कीनी। मुख्यमंत्री अहलकारां ने हवाई सेवावां ने और बधावण, अंतर्राष्ट्रीय मानकां रे मुजब हवाई सुबीतां मांय बधोतरी अर क्षेत्रीय कनेक्टिविटी मज़बूत करण रा हुकम दीना।