भरतपुर पुलिस 400 करोड़ रिप्या री साइबर ठगी करण वाळी गैंग रो पर्दाफाश कर्यो है। ई मामला मांय पुलिस गिरोह सारू काम करण वाळा सदस्य ने गिरफ्तार कर्यो है। ओ गिरोह ऑनलाइन गेम अर ई-कॉमर्स रा नाम माथे करोड़ां रिप्या री ठगी कर रियो हो। इण रे साथे ही फर्जी कम्पनियां री मार्फत केई तरह री धोखाधडी कर रिया हा। पुलिस महानिरीक्षक राहुल प्रकाश खबरनवीसां ने बतायो के छह मार्च ने धौलपुर साइबर थाणा मांय ठगी री शिकायत दर्ज करवाई ज्यी ही। इण रे पछे शिकायत री पडताल करण माथे जाणकारी व्ही के इणी बैंक खाता रे खिलाफ पेला ई ठगी री हजारां शिकायतां दर्ज है।