प्रदेश मांय सरकारी महकमां री कुछ वेबसाइटां ने पाकिस्तानी हैकर्स हैक कर लीनी। शिक्षा विभाग, जयपुर विकास प्राधिकरण अर स्वायत शासन विभाग री आधिकारिक वेबसाइट हैक कर्यां पाछे साइबर हमलावर आं साइटां माथे पहलगाम आतंकी हमला रो जिक्र करता थकां आपत्ति लायक सामग्री डाली। शिक्षा मंत्री मदन दिलावर कानी ऊं तुरत कार्यवाही पाछे वेबसाइट अस्थायी तौर ऊं बंद कर दीरीजी है अर इण माथे मुहैया करायी ज्यी सरकारी जाणकारियां पाछी हासिल करण रो काम तेज़ी ऊं कर्यो जा रह्यो है। विभाग साइबर सुरक्षा एजेंसियां ने ई इण री जाणकारी दीनी है अर इण री जांच सरू कर दीरीजी है। जांच मांय ईं साइबर हमला रा जिम्मेदारां री पिछाण री कोशिश करी जा रही है। शिक्षा मंत्री कह्यो के कोई संवेदनशील जाणकारियां लीक व्हेवण री फिलहाल पुष्टि नी व्ही है पण एहतियातन सगळा सिस्टम्स री जांच करवाई जा रही है।