प्रदेश ऊं राज्य सभा री एक रीती सीट सारु व्हे रह्या उप चुनाव मांय भाजपा री ओर ऊं पर्चो दाखिल करण वाळा उम्मीदवार सुनील कोठारी आज नाम पाछो ले लीनो। ध्यानजोग है के राज्यसभा उप चुणाव सारु तीन उम्मीदवार पर्चा दाखिल कीना हा। निर्दलीय उम्मीदवार बबीता वाधवानी रो पर्चो जांच रे दौरान रद्द कर दियो ज्यो हो। ईं पाछे अब राज्य सभा उप चुणाव सारु राज्य री एक सीट माथे भारतीय जनता पार्टी रा रवनीत सिंह ही एकला उम्मीदवार बच्या है।