76वों वन महोत्सव दीतवार ने जयपुर मांय राख्यो जावेला। जगद्गुरू रामानन्दाचार्य संस्कृत विश्वविद्यालय परिसर मांय व्हेवण वाळा ईं कार्यक्रम मांय मुख्यमंत्री भजन लाल शर्मा, संसदीय कार्यमंत्री जोगाराम पटेल अर वन मंत्री संजय शर्मा ई सिरकत करेला। ईं मौके पौधा रोप र आब-ओ-हवा ने गन्दी व्हेवण ऊं बचावण रो संदेश ही दियो जावेला। ईं मौके परिसर मांय मातृवन बणा र पौधा रोप्या जावेला। ईं सागे ई ड्रोन रे जरिये बीज ई रोप्या जावेला। कार्यक्रम मांय ईं सागे ई अमृता देवी वन संरक्षण पुरस्कार ई दिया जावेला। ज़िला स्तर माथे ई वन महोत्सव राख्यो जावेला। सवाईमाधोपुर मांय वन महोत्सव रे दौरान 9 लाख पौधा रोपणो तैय करी ज्यो है। बाड़मेर री बीएसएफ फायरिंग रेंज मांय ई पौधा रोप्या जावेला। डूंगरपुर ज़िला रा सागवाड़ा मांय थावर ने वन महोत्सव राख्यी ज्यो। ईं दफ़ा ज़िला मांय 15 लाख पौधा रोपणो तैय करी ज्यो है। चूरू मांय ज़िला रा प्रभारी मंत्री अविनाश गहलोत थावर ने रतननगर मांय राख्यी ज्या वन महोत्सव कार्यक्रम मांय सिरकत कीनी अर पौधा रोप्या।