56 वों भारतीय अंतर्राष्ट्रीय फिल्म महोत्सव-इफ्फी गुरूवार ने गोवा रा पणजी मांय सरू व्ह्यो। सूचना अर प्रसारण राज्य मंत्री डॉ. एल मुरुगन इण रो उद्घाटन कीनो। वे वेव्स फिल्म बाज़ार रो ई उद्घाटन कीनो। भारतीय अंतर्राष्ट्रीय फिल्म महोत्सव-इफ्फी रा तैत गुरूवार ने सिंज्यां ब्लू ट्रेल फिल्म रो दरसाव कर्यो जावेला। ईं पाछे 8 दिन मांय 84 देशां री 270 ऊँ बत्ती फिल्मां बतायी जावेला। ईं महोत्सव मांय क्लासिक फिल्मां अर सिनेमा रा नामी लोगां री मौजूदगी ऊँ ले र नुवा कलाकारां तांई सगळां ने वां री कृतियां रो दरसाव करण रो मौको मिलेला। हर साल री भांत ईं साल ई अंतर्राष्ट्रीय स्तर री होड़ां, सांस्कृतिक प्रदर्शन, मास्टरक्लास, श्रद्धांजलि कार्यक्रम अर मान जळसा राख्या जावेला।