21 जून ने मनाया जावण वाळा अन्तर्राष्ट्रीय योग दिवस रा सिलसिला मांय बुधवार ने आकाशवाणी केन्द्र नई दिल्ली मांय “कार्यस्थल पर योग“ कार्यशाला राख्यी ज्यी। कार्यशाला ने जयपुर रा राष्ट्रीय आयुर्वेद संस्थान रा योग विभाग रा सहायक प्रोफेसर डॉ. पुनीत चतुर्वेदी ई संबोधित कीना। ईं दौरान न्यारा-न्यारा कार्य-अनुकूल योग अभ्यास रा बारा मांय जाणकारी दीरीजी। डॉ. चतुर्वेदी बतायो के योग अभ्यास, योग दर्शन री भांत ई खास है। वे कह्यो के योग रो और कोई विकल्प नी है। कार्यक्रम मांय आकाशवाणी री महानिदेशक डॉ. प्रज्ञा पालीवाल गौड़ अर अतिरिक्त महानिदेशक एल. मधु नाग ई शिरकत कीनी। प्रदेश मांय ई अंतर्राष्ट्रीय योग दिवस ऊं जुड़्या न्यारा-न्यारा कार्यक्रमां रे जरिए लोगां ने योग अपनावण री प्रेरणा दी जा रही है। बुधवार ने पाली रा मिल हलका री सरकारी सीनियर सैकण्ड्री स्कूल मांय योग रा न्यारा-न्यारा रूपां री सिखावण दीरीजी। अंतर्राष्ट्रीय योग दिवस रा सिलसिला मांय आकाशवाणी जयपुर रा क्षेत्रीय समाचार एकांश री ओर ऊं संदेश श्रृंखला चलायी जा रही है। इण मांय आज पेश है जयपुर री योग प्रशिक्षक अनामिका कोठारी रा विचार। वां रो कहवणो है केयोग करण ऊं शारीरिक अर मानसिक स्वास्थ्य बेहतर बणे है।