हर घर तिरंगा अभियान रे तैत प्रदेश मांय न्यारा-न्यारा आयोजन व्हे रिया है। 2 अगस्त ऊं शुरू व्ह्यो ओ अभियान 15 अगस्त तांई तीन चरणां मांय मनाये जावे। इण मांय लोगां ने घरां, दफ़्तरां, संस्थानां अर सार्वजनिक ठौड़ां स्वतंत्रता दिवस रे मौके राष्ट्रीय ध्वज फहरावण सारू बधावो दियो जावे। ई अभियान ने जन आंदोलन बणावण सारू बत्ती ऊं बत्ती लोगां री भागीदारी तैय करी जावे। इण रे साथै ईं तिरंगा जातरावां, ऐतिहासिक थळां री सफ़ाई अभियान अर शहीदां री वीरांगनावां अर पिरवारजणा रो सनमान करण रा कार्यक्रमां री रूपरेखा तियार करी जावे। ई कडी मांय पाली मांय ज़िला मुख्यालय रा न्यारा-न्यारा चौराहां अर भवनां ने तिरंगी थीम माथे सजायी ज्या है। सिरोही मांय अभियान ने कामयाब बणावण सारू लोगां ने सक्रिय भागीदारी सारू प्रेरित कर्या जावे।