रा तहत राज्य मांय आज ई केई ठौड़ां तिरंगा रैली निकाळी ज्यी। 15 अगस्त तांई चालण वाळा ई अभियान रा तैत घरां, दुकानां, दफ्तरां अर सरकारी इमारतां माथे तिरंगो झंडो फहरा र देश रा प्रति मान री भावना रो दरसाव कर्यो जा रह्यो है। श्रीगंगानगर मांय महाराजा गंगासिंह चौक ऊं सुखाड़िया सर्किल भारतमाता चौक तांई मोटरसाइकिल रैली निकाळी ज्यी। पाली मांय जिला प्रशासन अर स्कूली विद्यार्थियां री ओर ऊं तिरंगा रैली निकाळी ज्यी। रैली मांय जिला कलेक्टर एल.एन. मंत्री अर एस.पी. चूनाराम जाट ई सिरकत कीनी। भीलवाड़ा मांय कलेक्ट्रेट परिसर ऊं सूचना केंद्र तांई तिरंगा रैली निकाळी ज्यी। बांसवाड़ा मांय हर घर तिरंगा अभियान रा तहत स्कूली विद्यार्थी गांधी सर्कल ऊं साइकिल रैली निकाळी। ईं मौके राख्यी ज्या कार्यक्रम मांय संभागीय आयुक्त नीरज के. पवन 13 ऊं 15 अगस्त तांई जनता ऊं घरां माथे तिरंगो झंडो फहरावण री अपील कीनी। सवाईमाधोपुर ज़िला मांय निकाळी ज्यी तिरंगा यात्रा मांय विद्यार्थी, अध्यापक अर गांवा वाळा उमाव सागे सिरकत कीनी। केकड़ी मांय विद्यार्थी विधायक शत्रुघ्न गौतम, जिला कलेक्टर श्वेता चौहान अर एस.पी. विनीत कुमार बंसल री मौजूदगी मांय तिरंगा यात्रा निकाळी।