‘हरियालो राजस्थान’ अभियान रा तैत प्रदेश मांय ईं दफ़ा हाल तांई 10 करोड़ पौधा रोप दिया ज्या है। मुख्यमंत्री भजनलाल शर्मा आ ऐतिहासिक उपलब्धि हासिल करण परां मंगलवार ने जयपुर मांय पोस्टर रो विमोचन कीनो। वन मंत्री संजय शर्मा आ अपलब्धि हासिल करण परां मुख्यमंत्री ऊं मुलाकात कर र वां ने बधाई दीनी अर वां ने पौधो भेंट कीनो। मुख्यमंत्री रा रेहवास माथे व्ही मुलाकात रे दौरान श्री शर्मा कह्यो के ईं अभियान रा तैत पौधां री जिओ टेगिंग कर र वां री ज़रुरी हिफ़ाज़त अर देखभाल करी जा रही है। वे कह्यो के पांच साल मांय 50 करोड़ पौधा रोपणो तैय करी ज्यो है। मुख्यमंत्री कह्यो के आ उपलब्धि प्रदेश री जनता री पर्यावरण रा प्रति जागरूकता अर प्रतिबद्धता रो दरसाव करे है। मुख्यमंत्री जनता ऊं बत्ता ऊं बत्ता पौधा रोपण री अरज कीनी।