राजस्थान मांय आ दिनां हरियाळो राजस्थान अभियान रे तैत न्यारी न्यारी ठौड़ां पौधरोपण कर्यो जावे। झुन्झुनू रा बगड़ मांय एक पेड़ मां के नाम अभियान रे तैत नगरीय विकास मंत्री झाबर सिंह खर्रा पौधा रोपण कर्यो। श्री खर्रा कह्यो के देश रा 140 करोड़ लोगां ऊं प्रधानमंत्री नरेन्द्र मोदी एक पौधो आप री मॉ रे नाम लगावण री अरज करी है। वणा कह्यो के ई अभियान ऊं आवण वाळां पांच सालां मांय पर्यावरण संरक्षण अर सवंर्धन मांय बढवार व्हेला।