हनुमानगढ़ ज़िला मांय पूर्वाचंलवासियां रा तिवांर छठ पूजा री तैयारियां करी जा री है। सार्वजनिक छठ प्रबन्ध समिति री कानी सूं राख्या छठ महापर्व रे मौके श्रीगंगनहर रा छठ घाट माथे विधि-विधान सूं पूजा अर्चना करी गयी। इण रे पछे जनतां रा नुमाइन्दा री मौजूदगी मांय प्रचार रथ रवाना कर्यो ग्यो। समिति रा पदाधिकारी बतायां के छठ आयोजन रे तैत काल हाउसिंग बोर्ड री शिव कुटिया सूं शोभायात्रा काड़ी जावेला। 6 नवम्बर री सिंज्या छठ पर्व माथे सूर्य ने अर्घ दियो जावेला। दूजा दिन उगता व्ह्या सूर्य ने अर्घ देबा रे सागे महोत्सव पूरो व्हे जावेला।