स्वामी विवेकानन्द री जयन्ती राष्ट्रीय युवा दिवस रा रूप मांय काल देशभर मांय मनायी जावेला। इण मौके प्रधानमंत्री नरेन्द्र मोदी नुवी दिल्ली रा भारत मण्डपम् मांय चाल रह्या विकसित भारत यंग लीडर्स डॉयलॉग 2026 रा समापन सत्र ने सम्बोधित करेला। वे इण दौरान करीब 3 हजार प्रतिभागी युवावां सूं संवाद करेला। प्रदेश रा भी लगभग 100 युवा इण डॉयलॉग मांय भाग ले रह्या है। राष्ट्रीय युवा दिवस रे मौके राज्य मांय भी केई विभिन्न कार्यक्रम राख्या जावेला। राज्यपाल हरिभाऊ बागडे़ स्वामी विवेकानन्द री जयंती माथे बधाई अर शुभकामनाएं दी। वणा स्वामी विवेकानन्द रा बताया रास्ता माथे चालता थकां युवांवां सूं “विकसित भारत 2047“ री संकल्पना साकार करबा मांय भागीदार बणवा ने कह्या।