स्वच्छता ही सेवा, अभियान 2024 मंगलवार सूं सरू व्हेरियो है। 2 अक्टूबर तक चालबा वाळां इण अभियान रो इण बरस रो विषय ‘‘स्व़भाव स्वच्छता-संस्कार स्वच्छता’’ राख्यो गयो है। इण रे तैत सार्वजनिक अर पर्यटन री ठौड़ां सार्वजनिक भवन, व्यावसायिक हलका, तालाब ं, चिड़ियाघर, जंगळ अर सार्वजनिक शौचालय समेत केई ठौड़ां माथे श्रमदान अर सामूहिक रूप ऊं बड़ां पैमाना माथे सफ़ाई करी जावेला। देशभर मांय केन्द्र सरकार रा सगळा मंत्रालय अर राज्यां री कानी ऊं इण सिलसिला मांय केई कार्यक्रम रख र आम लोगां ने शामिल कर्यो जावेला। प्रदेश मांय अभियान री सरूआत उपराष्ट्रपति जगदीप धनखड झुन्झुनू ज़िला ऊं वर्चुअल रूप ऊं करेला। ज़िला मांय राख्या कार्यक्रमां मांय नेहरू युवा केन्द्र रा स्वयं सेवक, राष्ट्रीय सेवा योजना अर एनसीसी अर स्काउट गाइड समेत केई संगठन आप री सेवावां देवेला।
000