स्कूल शिक्षा, उच्च शिक्षा अर तकनीकी विभाग री ओर ऊं जयपुर मांय 6 नवंबर ने राइजिंग राजस्थान प्री-समिट राख्यी जावेला। राजस्थान स्कूल शिक्षा परिषद रा राज्य परियोजना निदेशक अविचल चतुर्वेदी री सदारत मांय प्री-समिट री तैयारियां रा बारा मांय राख्यी ज्यी मीटिंग मांय अहलकारां ने तालमेल सागे काम करण रा हुकम दिया ज्या। ईं बीचे प्रदेश मांय निवेशकां ने बुलावण सारु राख्यी जावण वाळी राइजिंग इन्वेस्टमेंट समिट रा तैत ज़िला स्तर माथे ई समिट राख्यी जा रही है। बालोतरा मांय राख्यी ज्यी समिट मांय केबिनेट मंत्री जोराराम कुमावत री मौजूदगी मांय रिसोर्ट, पर्यटन, कृषि प्रसंस्करण, होटल अर टेक्सटाइल कारोबारियां सागे 2 हजार 200 करोड़ रूप्या मोल रा 100 करार माथे सही करी ज्यी।