सोमवार ने बुद्ध पूर्णिमा मनायी ज्यी। गौतम बुद्ध रो जन्म अर परिनिर्वाण आज ही रे दिन व्ह्यो हो। वां ने बोधगया मांय महाबोधि वृक्ष रे नीचे निर्वाण मिल्यो हो। प्रधानमंत्री नरेन्द्र मोदी बुद्ध पूर्णिमा माथे देशवासियां ने शुभकामनावां देता थकां सोशल मीडिया पोस्ट मांय कह्या के सत्य, समानता अर सद्भाव रा सिद्धांतां माथे आधारित भगवान बुद्ध रो संदेश मानवता खातर मार्गदर्शक रह्यो है। श्री मोदी कह्या के त्याग अर तपस्या ने समर्पित भगवान बुद्ध रो जीवन विश्व समुदाय ने हमेशा करूणा अर शांति खातर प्रेरित करतो रहवेला। मुख्यमंत्री भजनलाल शर्मा अर विधानसभा अध्यक्ष वासुदेव देवनानी बुद्ध पूर्णिमा माथे प्रदेशवासियां ने शुभकामनावां दी। प्रदेश मांय वैशाख बुद्ध पूर्णिमा रो पर्व पारम्परिक सिरधाभाव सूं मनायो जा रह्यो है। सवाईमाधोपुर, हनुमानगढ, चूरू समेत केई ज़िलां मांय इण मौके केई धार्मिक आयोजन कर्या जा रह्या है। वठिने आज बड़ी संख्या मांय ब्याव भी व्हे रह्या है।