सेना प्रमुख जनरल उपेंद्र द्विवेदी कह्या के ऑपरेशन सिंदूर तीन्यू सेनावां रा तालमेल री एक चोखी मिसाल हो। इण मांय कार्रवाई करबा अर जवाब देबा री पूरी छूट ही। वे कह्या के ओ ऑपरेशन हाल भी चाल रह्यो है दुश्मन री किणी भी नापाक हरकत रो मुंह तोड़ जवाब दियो जावेला। नई दिल्ली मांय मंगलवार ने खबरनवीसां रा सम्मेलन ने संबोधित करता थकां सेना प्रमुख जनरल उपेंद्र द्विवेदी कह्या के पहलगाम आतंकी हमला रे पाछे निर्णायक कार्रवाई करबा रो फैसलो लियो गयो हो। सेना प्रमुख कह्या के सशस्त्र बल नौ माय सूं सात लक्ष्य पूरी तरकाऊँ खत्म कर दिया हा अर पाकिस्तान री कार्रवाई रो नप्यो तुल्यो जवाब पक्को करबा मांय महताऊ भूमिका निभाई।