सूरज री पूजा रो पर्व छठ थावर ने ’नहाय-खाय’ सागे सरू व्ह्यो। राज्य रा भरतपुर अर भीलवाड़ा समेत केई ज़िलां मांय ओ पर्व उमाव सागे मनायो जा रह्यो है। चार दिन रा छठ पर्व सारू भरतपुर मांय ई धार्मिक उमाव निजर आ रह्यो है। म्हाणा खबरनवीस बतायो के नहाय-खाय री रीत रा तैत लोग पवित्र स्नान कर सात्विक भोजन कीनो। प्रधानमंत्री नरेन्द्र मोदी अर गृहमंत्री अमित शाह छठ पर्व रे मौके शुभकामनावां दीनी है। वे व्रत राखण वाळा जातरूआं रा भक्तिभाव ने सोशल मीडिया पोस्ट रे जरिये नमन कीनो। गृह मंत्री अमित शाह ई सोशल मीडिया पोस्ट रे जरिये छठ मैया ऊँ सगळां री सुख-समृद्धि री प्रार्थना कीनी है।