सूचना अर प्रसारण मंत्रालय रा सचिव संजय जाजू कह्यो है के सूचनावां आसान शब्दां मांय अर भरोसा सागे आमजन ऊँ जुड़ाव अर भावनात्मक अपील सागे पूगावण ऊँ बत्तो असर करे है। वे गुरूवार ने जयपुर मांय राख्यी ज्यी एक कार्यशाला ’रिफॉर्म-परफॉर्म-ट्रांसफॉर्म और इन्फॉर्म’ मांय बोल रह्या हा। श्री जाजू कह्यो के सकारात्मक खबरां, कामयाबी री कहानियां अर उपलब्धियां कम शब्दां मांय इंफोग्राफिक सागे सोशल मीडिया रे जरिये बेहतर असर करे है। वे केंद्र सरकार कानी ऊँ कर्या जा रह्या प्रयोगां रा बारा मांय जाणकारी दीनी। ईं मौके पत्र सूचना कार्यालय री महानिदेशक अनुपमा भटनागर इफेक्टिव गवर्नमेंट कम्युनिकेशन रा बारा मांय प्रस्तुति देता थकां केंद्र सरकार रा नवाचारां री जाणकारी दीनी। कार्यशाला मांय मुख्य सचिव वी.श्रीनिवास जनता तांई बेहतर तरीका ऊँ जाणकारियां पूगावण सारू सगळा महकमां ने प्रचार-प्रसार रा नुवा तरीका ई काम लेवण बाबत् कह्यो। वे कह्यो के नुवी तकनीक काम ले र जनता तांई खास तौर ऊँ नौजवानां तांई बेहतर तरीका ऊँ जाणकारियां पूगायी जा सके है।