सूचना अर प्रसारण मंत्रालय री ओर ऊं देश रो पहलो दृश्य श्रव्य अर मनोरंजन शिखर सम्मेलन-वेव्स मुंबई मांय एक ऊं चार मई तांई राख्यो जावेला। वेव्स कंटेन्ट बणावण वाळां, दिमागी बूता अर तकनीकी नवाचार रा हलका मांय काम करण वाळां ने वैश्विक मंच मुहैया करावेला। आं मांय रेडियो, टी.वी., फिल्म, एनिमेशन, डिजिटल मीडिया, एआई अर वीआई शामिल है। जोधपुर रा एनिमेशन फिल्म मेकर रोहित सांखला ने ई वेव्स मांय शिरकत करण सारू चुण्यी ज्या है। रोहित कह्यो के ईं रे ज़रिए वे वां री रचनात्मकता ने और ऊंचाई देवण री पूरी कोशिश करेला।