सुप्रीम कोर्ट रा मुख्य न्यायाधीश न्यायमूर्ति बी.आर. गवई शनिवार को नई दिल्ली मांय केंद्रीय प्रशासनिक न्यायाधिकरण-कैट रा 10वां अखिल भारतीय सम्मेलन रो उद्घाटन कीनो। ईं मौके वे कह्यो के ओ न्यायाधिकरण सरकारी अहलकारां री काम करण री कुशलता अर न्याय तांई पहुंच मांय सुधार सारू बणायी ज्यो है। न्यायमूर्ति गवई न्यायाधिकरण रा फैसलां मांय एकरूपता अर इण रा कामकाज मांय साफगोई री जरूरत माथे जोर दीनो। मुख्य न्यायाधीश कह्यो के न्यायाधिकरण मांय आवण वाळा हर एक जणा ने ओ महसूस व्हेवणो चाहिजे के फैसलो तर्कसंगत है। कार्यक्रम मांय कानून मंत्री अर्जुन राम मेघवाल कह्यो के न्यायाधिकरण रो हुकम सही व्हेवण रे बावजूद केई अहलकार अपील दायर करण माथे अड़्या रेहवे है। वे कह्यो के ईं माथे ओजू विचार करण री ज़रूरत है। ध्यानजोग है के सम्मेलन रो मकसद न्यायिक अर प्रशासनिक व्यवस्था ने मज़बूत बणावण सारू आगे रा उपायां माथे विचार करणो है। मुख्य न्यायाधीश न्यायमूर्ति गवई शनिवार को बीकानेर मांय राख्यी ज्या एक कार्यक्रम मांय ई शामिल व्ह्या। संविधान के 75 वर्ष और बाबा साहेब डॉ. भीमराव आम्बेडकर की भूमिका मुद्दा माथे राख्यी ज्या ईं सेमीनार मांय केन्द्रीय कानून मंत्री अर्जुनराम मेघवाल ई मौजूद रह्या। ओ कार्यक्रम कानून मंत्रालय अर राज्य विधिक सेवा प्राधिकरण री ओर ऊं महाराजा गंगासिंह विश्वविद्यालय मांय राख्यी ज्यो।