सुप्रीम कोर्ट अरावली पहाड़ियां री परिभाषा मांय अजेई व्हे्या बदलाव ऊँ पैदा चिन्ता माथे खुद संज्ञान लियो है। मुख्य न्यायाधीश जस्टिस सूर्यकांत, न्यायमूर्ति जे.के. माहेश्वरी अर न्यायमूर्ति ए.जी. मसीह री अवकाशकालीन पीठ काले ईं मामला माथे सुणवाई करेला। सुप्रीम कोर्ट रो दखल अरावली पहाड़ियां री पाछी परिभाषा ने ले र व्ह्ेया जनविरोध रे पाछे आयो है। ईं बीचे मुख्यमंत्री भजनलाल शर्मा साफ कर्यो है के अरावली पर्वतमाला राजस्थान री अमूल्य प्राकृतिक धरोहर है अर इण रा स्वरूप रे साथै किणी तरह री छेडछाड नी होवण दी जायेला। मुख्यमंत्री वन, पर्यावरण खान अर पुलिस री भेळी टीमां बणा र खास अभियान चलावण रा निर्देश दिया है। वठे ई भीलवाडा अर पाली समेत केई ठौड़ां ई मामला ने ले र कांग्रेस कानी ऊँ जनजागरण रैली राखी ज्यी है।