सीकर जिला मांय मंगलवार ने व्ह्या एक हादसा मांय बारह जणां री मौत व्हे ग्यी अर 25 ऊं बत्ता लोग ज़ख्मी व्हे ग्या। सुजानगढ़ ऊं नवलगढ़ जा रही एक गैर-सरकारी बस रे लक्ष्मणगढ़ मांय एक पुलिया ऊं टकरा जावण रे कारण ओ हादसो व्ह्यो। हादसा रे कारण बस रा आगे रा हिस्सा ने घणो नुकसान व्ह्यो। म्हाणा सीकर खबरनवीस बतायो के हादसो व्हेता ही स्थानीय लोग बचाव रा काम सरू कर दीना। सीकर रेंज रा पुलिस महानिरीक्षक सत्येन्द्र चौधरी बतायो के मरण वाळा घणखर लोग स्थानीय रहवासी है। जख्मी व्ह्या कुछ लोगां ने जयपुर रैफर करी ज्या है जदके दूजा जख्मी लोगां रो सीकर रा अस्पताल मांय ईलाज चाल रह्यो है। मुख्यमंत्री भजनलाल शर्मा ईं हादसा रे कारण मरण वाळां रा पिरवार वाळां रे प्रति दुख जताता थकां जख्मी लोगां रे बेगा ईं ठीक व्हेवण री कामना कीनी है। वे अहलकारां ने जख्मी लोगां रो ईलाज तैय कारण बाबत् हुकम दीना है।