साल 2026 मांय गणतंत्र दिवस रो राज्य स्तर रो जळसो जयपुर रा सवाई मानसिंह स्टेडियम मांय मणायो जावेला। मुख्य सचिव वी. श्रीनिवास जयपुर मांय इण री तैयारियां रो जायज़ो लेवण सारु अहलकारां सागे मीटिंग मांय बोल रह्या हा। वे बतायो के ईं साल रा समारोह मांय जर्मन ड्रिल, एमजीडी बैंड अर न्यारा-न्यारा महकमां री झांकियां माथे खास ध्यान व्हेला। ईं सागे ई 1 हज़ार 200 स्कूली विद्यार्थी सांस्कृतिक कार्यक्रम पेश करेला। मुख्य सचिव खास सरकारी इमारतां अर जनता री आवण-जावण री ठौड़ां सोहवणी रोशनी करण अर एस.एम.एस. स्टेडियम मांय हिफ़ाज़त , पीवण रा पाणी अर आवण-जावण री पुख्ता व्यवस्था करण रा हुकम दीना।