जयपुर रा सवाईमानसिंह स्टेडियम मांय आज सांसद खेल महोत्सव रो शानदार आगाज़ व्हीयो। उपमुख्यमंत्री दिया कुमारी दीप जगा र कार्यक्रम री सरूआत करी। उपमुख्यमंत्री आपरा भाण मांय कयो के खेल आपा ने फिट राखे है। वणा खिलाड़ियां ऊं कयो के जीत-हार खेल रो हिस्सो है, जिण ऊं निराश होवण री बजाय और ताकत रे साथे आगे बधणो चाहिजे। वणा कयो के प्रधानमंत्री नरेंद्र मोदी बरोबर खिलाड़ियां ने बधावो दे रिया है। दिया कुमारी इण ने मंच रो अनुशासन, टीमवर्क अर आत्मविश्वास विकसित करण रो मौको बताया। सांसद मंजू शर्मा ईं मौके कयो के ईं आयोजन रे मार्फत केई नौजवानां ने हुनर दिखावण रो मौको मिलेला। वणा ’वोकल फॉर लोकल’ रो संदेश देवता नौजवानां ऊं स्वदेशी उत्पादां ने काम मांय लेवण रो संकल्प लेवण सारू अरज करी। ईं मौके खेल मंत्री राज्यवर्धन सिंह राठौड़ समेत केई मंत्री अर विधायक मौजूद रिया।