संसद रो सिंयाळू सत्र शुक्रवार ने बेमियादी बगत सारु टाळ दियो ज्यो। एक दिसम्बर ऊं सरू व्ह्या ईं सत्र रे दौरान लोकसभा अर राज्यसभा मांय राष्ट्रीय गीत वंदे मातरम् री डोढ़ सौ वीं वर्षगांठ अर चुनाव सुधारां रा बारा मांय खास चर्चा करी ज्यी। ईं सागे ई सत्र रे दौरान विकसित भारत गारंटी फॉर रोजगार और आजीविका मिशन ग्रामीण विधेयक समेत केई खास बिल ई पास करी ज्या। बिल माथे राज्यसभा मांय चर्चा रो आज जवाब देता थकां ग्रामीण विकास मंत्री शिवराज सिंह चौहान कह्यो के सरकार राष्ट्र प्रथम रा विचार सागे काम कर रही है। वे कह्यो के गांवां रा विकास बगैर देश रो विकास नी व्हे सके है। समापन भाषण मांय लोकसभा अध्यक्ष ओम बिरला कह्यो के सदन मांय करीब एक सौ ग्यारह फीसदी कामकाज व्ह्यो।