श्री राजीव शर्मा ने प्रदेश रा नुवा पुलिस महानिदेशक बणाया जावेला। श्री शर्मा 1990 बैच रा आईपीएस अहलकार है। राज्य सरकार ई सारू श्री शर्मा ने रिलीव करण बाबत् केन्द्र सरकार ने खत लिख्यो है। राजीव शर्मा फिलहाल नई दिल्ली मांय ब्यूरो ऑफ पुलिस रिसर्च एण्ड डवलपमेंट रा मुखिया है। वे प्रदेश मांय ई न्यारा-न्यारा ओहदां माथे सेवा दीनी हैं। कार्यवाहक पुलिस महानिदेशक अर भ्रष्टाचार निरोधक ब्यूरो रा महानिदेशक रवि प्रकाश मेहरड़ा आज रिटायर व्हे ग्या। ईं मौके जयपुर री राजस्थान पुलिस अकादमी मांय राख्यी ज्या कार्यक्रम मांय वां ने रीत मुजब विदाई दीरीजी। एसीबी रा महानिदेशक ओहदा रो कामकाज एसीबी री एडीजी स्मिता श्रीवास्तव ने सूंपी ज्यो है।