शिक्षा मंत्री मदन दिलावर आज झालावाड़ ज़िला रा कनवाड़ी रा सरकारी सीनियर सेकेण्डरी रूकूल ऊं ‘‘प्रखर राजस्थान रीडिंग अभियान‘‘ री सरूआत करी। ई मौके श्री दिलावर कह्यो के प्रदेश रा टॉबरां ने किताबा ने धारा प्रवाह पढणो सिखावण सारू ओ अभियान सरू करी ज्यो है। ओ अभियान 2 अक्टूबर तांई चालेला। वणा कह्यो के ई अभियान रे तैत प्रदेश रा 65 हजार स्कूलां रो कोई 80 लाख टॉबरां ऊं किताबा पढवाई जायेला। शिक्षा मंत्री बतायो के अभियान रो मकसद पैली ऊं 8 वीं कक्षा तांई रा पढेसरां मांय किताबा पढ़ण रो हुनर विकसित करणो है। राजस्थान स्कूल शिक्षा परिषद् रा उपनिदेशक नादान सिंह गुर्जर बतायो के ई अभियान रे तैत पुस्तकालय दिवस अर हिन्दी दिवस मनाया जायेला। वठे ई स्कूलां मांय कविता अर कहाणी सुणावण रा कार्यक्रम ई व्हेला।