शस्त्र अर शास्त्रां रा दिव्य ज्ञान सारू पूजा जावण वाळा भगवान परशुराम री जयंती मंगलवार ने मनाई ज्यी। ईं मौके न्यारा-न्यारा कार्यक्रम राख्यी ज्या। विधानसभा अध्यक्ष वासुदेव देवनानी अजमेर मांय भगवान परशुराम रो अभिषेक कर र प्रसाद बांट्यो। हनुमानगढ, सिरोही, जयपुर अर पाली समेत न्यारी-न्यारी ठौड़ां शोभा यात्रावां अर वाहन रैलियां निकाळी निकाळी ज्यी। काल आखा तीज मणायी जावेला। ईं अबूझ सावा रे मौके मोटी तादाद मांय ब्याह अर दूजा मांगलिक काम व्हेला।