शक्ति पर्व शारदीय नवरात्र री आज सूं सरूआत व्ही। इण बगत एक तिथि बढबा सूं नवरात्र नौ री ठोर दस दिन चालेला। नवरात्र रा पैला दिन मां शैलपुत्री री विधिवत पूजा-अर्चना करी गई। इस सूं पैली घरां अर मिन्दरां मांय शुभ मुहुर्त मांय घट स्थापना करी गई। हवन यज्ञ रे सागे न्यारा न्यारा देवी मिन्दरां मांय संवारे सूं ही भक्त देवी रा दर्शन खातर पूग रह्या है। आमेर रा शिलामाता, देशनोक रा करणी माता मंदिर, करौली रा कैलादेवी मिन्दर रे सागे सगळा छोटा-मोटा दुर्गा मंदिर अर शक्तिपीठां मांय खास अनुष्ठान कर्या गया। जैसलमेर मांय भारत-पाक सरहद रे कने रा तनोट माता मिन्दर मांय आमजन रे सागे बीएसएफ रा जवान माता रे ढोक लगा र सुख-समृद्धि री कामना करी। म्हाका करौली खबरनवीस बताया के खास शक्तिपीठ कैलादेवी मांय घट स्थापना रे सागे ही सोमवार सूं मेळा री सरूआत व्ही।