वोटर लिस्टां रा विशेष गहन पुनरीक्षण-एसआईआर रा दूजा दौर रा तैत 50 करोड़ 96 लाख ऊं बत्ता गणना प्रपत्र बांट्या जा चुक्या है। आ तादाद कुल प्रपत्रां रो 99 दशमलव 98 फीसदी है। आं मांय ऊं 99 दशमलव 59 फीसदी प्रपत्र डिजिटल बणा दिया ज्या है। अंडमान और निकोबार द्वीप समूह, लक्षद्वीप, छत्तीसगढ़, गोवा, गुजरात, मध्य प्रदेश, पुद्दुचेरी, राजस्थान, तमिलनाडु, उत्तर प्रदेश और पश्चिम बंगाल मांय एस.आई.आर. रा दूजा दौर री गुरूवार ने आखिरी तारीख है। गणना प्रपत्र जमा करावण री आखिरी तारीख ईं महीना री चार तारीख ही, जिण ने निर्वाचन आयोग बधा र आज तांई कर दीनी ही। 11 राज्यां अर केंद्र रा राज वाळा प्रदेशां सारू वोटर लिस्टां रो मजमून ईं महीना री 16 तारीख ने जारी कर्यो जावेला।