मंगलवार ने विश्व पृथ्वी दिवस रे मौके न्यारा-न्यारा जागरूकता कार्यक्रम राख्यी ज्या। ईं मौके नई दिल्ली मांय राख्यी ज्या ‘पृथ्वी बचाओ’ सम्मेलन रो गृह मंत्री अमित शाह उद्घाटन कीनो। केंद्रीय सड़क परिवहन मंत्री नितिन गडकरी अर पर्यावरण मंत्री भूपेंद्र यादव इंर् रा अलग-अलग सत्रां ने संबोधित कीना। प्रदेश मांय ई विश्व पृथ्वी दिवस रे मौके केई कार्यक्रम राख्यी ज्या। डूंगरपुर री स्कूलां मांय जनता मांय जाग जगावण रा कार्यक्रम राख्यी ज्या अर केई होडां व्ही। बांसवाड़ा मांय विद्यार्थी जल, जंगल अर पर्यावरण ने बचावण रो संकल्प लीनो। बाड़मेर मांय विद्यार्थी मानव श्रृंखला बणा र धरती री हिफाज़त रो संदेश दीनो। पाली मांय पृथ्वी दिवस रे मौके निबंध अर चित्रकला री होड़ां राख्यी ज्यी अर पौधा रोपण अर श्रमदान रा कार्यक्रम व्ह्या। भरतपुर ज़िला रा केवलादेव राष्ट्रीय उद्यान मांय कार्यशाला राख्यी ज्यी। झालावाड़ मांय परिंडा बांधी ज्या। वनमंत्री संजय शर्मा सीकर मांय खबरनवीसां सागे बातचीत करता थकां कह्यो के सरकार लारला साल सात करोड़ 22 लाख ऊं बत्ता पौधा रोप्या अर ईं दफा और बत्ता पौधा रोप्या जावेला।