विश्व जनसंख्या दिवस माथे केन्द्रीय स्वास्थ्य मंत्री जे.पी. नड्डा जनसंख्या नियंत्रण माथे जोर दिया है। सोशल मीडिया पोस्ट माथे श्री नड्डा लिख्यो कि मातृ अर शिशु स्वास्थ्य मांय चौखा तनीजा खातिर माता-पिता ने टाबरां रे पालन-पोषण री सही योजना तैयार करणी चाहिजे। स्वास्थ्य मंत्री कह्यो के आयुष्मान आरोग्य मंदिरां समेत सार्वजनिक स्वास्थ्य सुविधावां रे माध्यम सूं, केंद्र सरकार पूरे देश मांय जरूरी परिवार नियोजन सेवावां दे रही है। विश्व जनसंख्या दिवस रो राज्य स्तरीय जळसो जयपुर मांय राख्यो गयो। चिकित्सा मंत्री गजेन्द्र सिंह खींवसर भी इण मांय सिरकत करी। इण रे चालता परिवार कल्याण रे खेतर मांय चौखी सेवावां देवण वाळां कार्मिंक अर संस्थावां ने सम्मानित कर्यो गयो। पत्रकारां सूं बातचीत मांय श्री खींवसर साफ़ कह्यो की आर.जी.एच.एस. ने बंद नी कर्यो जावेला बल्कि न्यारा-न्यारा बिन्दुआं माथे चर्चा रे पाछे सरकार ई ने नुवा पारदर्शी तरीके सूं लागू करेली।