विश्व आदिवासी दिवस माथे राज्य थर रो जळसो डूंगरपुर रा सागवाड़ा मांय व्ह्यो। जनजातीय क्षेत्रीय विकास महकमां कानी ऊं ओ कार्यक्रम महिपाल मैदान मांय व्ह्यो। जळसा मांय अतिरिक्त मुख्य सचिव कुंजीलाल मीणा कह्यो के केन्द्र अर राज्य सरकार आदिवासियां रा कल्याण सारू प्रतिबद्ध है। वणा मुख्य धारा ऊं जोड़न सारू केई योजनावां चलायी जावे। लोकसभा अध्यक्ष ओम बिरला कोटा मांय वीर कोट्या भील री मूरत माथे माळा अर्पण कर ने वां रा योगदान ने नमन कर्या। ई मौके वणा कह्यो के कोट्या भील आदिवासी समाज रा आत्मसम्मान अर हकां री हिफाजत सारू आखी जिन्दगी संघर्ष कर्यो। मीडिया ऊं बतळ करता वणा कह्यो के जल, जंगळ अर ज़मीन सारू वां रा योगदान ने हमेश याद राख्या जायेला। बाड़मेर मांय रैली निकाळी ज्यी अर आदिवासी समुदाय री प्रतिभावां रो सनमान करी ज्यो। उठिने, बांसवाड़ा मांय राजा बांसिया भील री मूरत माथे माळा अर्पण कर गेर नृत्य करी ज्यो। बागीदौरा, कुशलगढ, घाटोल, गढ़ी अर दानपुर समेत गांवाई हलकां मांय भी केई कार्यक्रम व्ह्या। ई मौके पाली मांय नशा मुक्त समाज री शपथ लीरीजी।