राष्ट्रीय स्वास्थ्य मिशन री निदेशक डॉ. भारती दीक्षित कह्यो है के मानसिक बीमारियां रा कारणां री ठा कर र, यथासंभव रोकथाम अर सही ईलाज कर र आत्महत्या अर इण रा कारणां मांय कमी लायी जा सके है। डॉ. दीक्षित आज विश्व आत्महत्या रोकथाम दिवस रे मौके राख्यी ज्या कार्यक्रम मांय वीडियो कांफ्रेंस रे जरिये बोल रही ही। वे आत्महत्या मुक्त राजस्थान री शपथ दिराई अर ईं बाबत् जनता मांय जाग जगावण सारू बणायी ज्या पोस्टर अर नान्ही फिल्म रो विमोचन ई कीनो। ईं मौके जनस्वास्थ्य निदेशक डॉ. रवि प्रकाश माथुर बतायो के ईं साल विश्व आत्महत्या रोकथाम दिवस री थीम ’’चेंज द नरेटिव ऑन सुसाइड, स्टार्ट द कन्वर्सेशन’’ राख्यी ज्यी है। प्रदेश रा न्यारा-न्यारा ज़िलां मांय ईं मुद्दा माथे कार्यक्रम राख्यी ज्या। मनोचिकित्सा रा प्रोफेसर डॉ. विनोद दडिया कोचिंग हब कोटा मांय आपहित्या री रोकथाम सारू काम लिया जा रह्या तरीकां री जाणकारी दीनी। वे कोचिंग ले रह्या विद्यार्थियां कानी ऊं आपहित्या करण री सोच रे दौरान व्यवहार मांय बदलाव अर इण रा मनोवैज्ञानिक कारणां अर आपहित्या ऊं पैली व्यवहार मांय बदलाव रा बारा मांय ई विगतवार चर्चा कीनी।