विधानसभा रा 1 सितंबर ऊं सरू व्हेवण वाळा सत्र ऊं पैली विधानसभा अध्यक्ष वासुदेव देवनानी सगळी सियासी पार्टियां री मीटिंग बुलायी। हालांकि सदन मांय विपख रा नेता टीकाराम जूली इण मांय शामिल नी व्ह्या। मीटिंग मांय मुख्यमंत्री भजन लाल शर्मा समेत भारतीय जनता पार्टी रा नेता शामिल व्ह्या। मीटिंग मांय खबरनवीसां सागे बातचीत करता थकां सरकारी मुख्य सचेतक जोगेश्वर गर्ग कह्यो के स्पीकर विपख रा नेता सागे बातचीत पाछे ई मीटिंग बुलायी ही पण न तो विपख रा नेता अर ने ई वां रा मुख्य सचेतक इण मांय शामिल व्ह्या। वे विपख रा ईं रवैया री निंदा कीनी। संसदीय कार्य मंत्री जोगाराम पटेल बतायो के विधानसभा सत्र री सगळी तैयारियां लगभग पूरी व्हे ग्यी है।