विधानसभा मांय पख अर विपख रा सदस्यां बीचे लारला दिनां ऊं चाल रही रार गुरूवार ने खत्म व्हे ग्यी। सत्ता पख अर विपख रा आला नेतावां बीचे व्ही चर्चा पाछे कांग्रेस रा विधायक सदन री कार्यवाही मांय शिरकत कीनी। ईं बारा मांय गुरूवार ने सदन रा नेता अर मुख्यमंत्री भजनलाल शर्मा विपख रा नतावां सागे बातचीत कीनी, ज्यीं पाछे रार खत्म करण माथे सहमति बणी। ई पाछे सदन मांय विपख रा 6 सदस्यां रो निलम्बन रद्द करण रो प्रस्ताव पास करी ज्यो। बाद मांय सदन री कार्यवाही मांय शिरकत करता थकां विपख रा नेता टीकाराम जूली मुख्यमंत्री रो आभार जतायो।