विधानसभा अध्यक्ष वासुदेव देवनानी नौजवानां ऊं वां री सोच ने मज़बूती ऊं पेश करण अर समस्यावां रा हल बतावण बाबत् कह्यो है। श्री देवनानी सोमवार ने विधानसभा मांय राज्य री सरकारी स्कूलां रा विद्यार्थियां री एक दिन री युवा संसद मांय बोल रह्या हा। वे कह्यो के विधानसभा कानून बणावण सागे नौजवानां ने मुख्य धारा मांय लावण रो मजबूत मंच ई है। देवनानी कह्यो के जीवन कौशल, वित्तीय साक्षरता अर नैतिक मूल्य सरीखा गुण विकसित करण री सामाजिक अर राष्ट्रीय ज़िम्मेदारी है। ईं मौके शिक्षा मंत्री मदन दिलावर कह्यो के नौजवान देश रा आवता बगत रा नेता है अर वां ने तालमेल सागे लोकतन्त्र ने मजबूत बणावण मांय भागीदारी निभावणी चाहिजे। युवा संसद मांय 41 ज़िलां री सरकारी स्कूलां रा 9वीं ऊं 12वीं तांई रा 164 विद्यार्थी भाग लीना।